Статистика ВК сообщества "Ақын жүрек"

Өткенмін мен

Ұлықтап әлемдердің мәңгі Иесін，
Сан сүйесің жүрегім，сан күйесің.
Жар таңдауда болашақ ұлым менен
Қызымның ойлап жүрмін тәрбиесін.

Айналама асықпай қараймын да ，
Талай баққа кез болам，талай мұңға.
Ақыл айта алмаймын аруларға
Ақылын тыңдамаған Абайдың да.

Барымды бағалайтын бұл өмірде，
Салиқалы адал жар тілегім де.
Көркемділік көздерге көрінбеуде
Әдемілік адамның жүрегінде.

Қыздар-ай қызықтырған өткен күнмен，
Сұлулықты шетелмен шектеп жүрген.
Соска болып алдымнан шықпаңдаршы
Балалықпен қоштасып кеткенмін мен.
Ондайдан өткенмін мен...

Жәнібек Салқынбек
23.05.2022 23:06