Статистика ВК сообщества "БаШҠоРтСА"

Ҡартлығыма бәхет һорайым!..

Ҡартлыҡ килә үксәләргә баҫып,
Әсәйемде хәҙер аңлайым:
“Йәш ғүмерҙәр ул нисек тә үтә,
Ҡартлығыма бәхет һорайым”.

Йәш кешегә бәхет нимә инде?
Бил ауыртмай, аяҡ һыҙламай,
Бөтә эште үҙем эшләй алам,
Бер кемдән дә ярҙам һорамай.

Йәш кешегә бәхет – һаулыҡ түгел,
Бәхет өсөн кәрәк мөхәббәт!
Ҡартлыҡ килгәс, хатта үҙ балаңа
Бағаң икән, көтөп мәрхәмәт.

Йылы һүҙгә, яҡты йөҙгә мохтаж
Ҡартлыҡ килә баҫып үксәгә.
Миңә генә түгел, ул һиңә лә,
Һәммәбеҙгә килә. Иртәгә,

Ул иртәгә генә. Ә бөгөнгә
Уй-хыялда бары мөхәббәт.
Йәшлегебеҙ теләй үбеп-ҡосоу,
Ҡартлығыбыҙ һорай мәрхәмәт.

Ҡартлығыбыҙ ҡарай мөйөш аша
Икеләнеп, ҡурҡып, һаҡ ҡына…
Миһырбанлы, зинһар, булайыҡсы,
Килер ҡартлығыбыҙ хаҡына!

Фирүзә Абдуллина.

Балаларҙың сабый ваҡыттары
Үтеп китә икән тиҙ генә,
Һөйөлөр ҙә наҙланыр мәлдәре
Эленмәй ҙә ҡала күҙеңә.
Әсәй менән атай өҙгөләнеп,
Йүгерешеп донъя көтәләр,
Ә балалар,һиҙҙермәйсә генә
Бала саҡ иленән китәләр.
Күрмәй ҙә ҡалырһың буй еткәнен,
Сабып барып тормош атында,
Һырылмаҫ та, һөйҙөрәм,тип,үҙен,
Баҫып тормаҫ инде алдыңда.
Балағыҙҙы,үҫеп етмәҫ элек,
Тупылдатып һөйөп ҡалығыҙ,
Күңеленә ғүмергә етерлек
Ата-әсә наҙын һалығыҙ.
Бер ҡайғыһыҙ,ғәмһеҙ генә булһын
Елеп кенә үтер ҡолон саҡ,
Йылдар төпкөлөндә тороп ҡалыр
Атай,әсәйле саҡ,бала саҡ.
Фәйрүзә Зиянбердина
08.02.2017.

Хәҙер ярат!
(оло апайҙың иренә әйткәне)))

Һин мине яратҡан саҡта
Матур инем, йәш инем,
Ни ҡыланһам да килеште –
Донъяла иң шәп инем!

…Оҡшамай әйткән һүҙем дә,
Бик һайлап хәбәр һүтәм,
Ғәйеп табаһың юҡтан да –
Яратмайһыңдыр бүтән!

Йәмһеҙләнгәнмендер, беләм,
Һүҙҙәрең – йәнгә яра,
Үҙең дә әллә кем түгел,
Ана, көҙгөгә ҡара!

…Шулай инде. Ҡартаябыҙ.
Йәнәшә үтә ғүмер,
Дөрләп янған усаҡтарҙан
Күптән ҡалған көл-күмер.

Көлөн борҡолдатмай ғына,
Бысранмай күмеренә,
Матур менеп ултырайыҡ
Ҡартлығыбыҙ түренә.

Йәшлек уҙған, буяу уңған,
Һағыштарымды тарат,
Йәш саҡта яратыу - пүстәк,
Шәп булғас, хәҙер ярат!

Фирүзә Абдуллина.

* * *

Матур ҡатын теләй һәр ир-егет!
Ҡасан матур була ҡатындар?
Бының өсөн ирҙәр өйҙәренә
Гөлләмәләр тотоп ҡайтһындар!

Яратҡан ир, мөмкинселек табып,
Наҙлы һүҙҙәр табыр, иркәләр,
Тик шул саҡта ғына һеҙҙең өйҙә
Бәхет менән атыр иртәләр.

Ышаныслы булһа ир-егеттәр,
Күҙенә тик берәү күренһә,
Матур була ҡатын-ҡыҙҙар, әгәр
Мөхәббәткә, наҙға төрөнһә.

Хистәренә тоғро булғандарҙың
Һөйгәнендә булыр йән-тыны,
Ир-егеттең күңеле матур булһа,
Һуш китерлек булыр ҡатыны!

Фирүзә Абдуллина.

Кешеләргә ярар өсөн тыумағанмын...
миңә үз донъям, үз ғүмерем якын.
Ә башкалар нимә уйлағаны миңә ба-ры-бер

Иртән торғас, Ҡояш күрәм - АЛЛАҒА ШӨКӨР!
Ысыҡлы сәскәләрҙе үбәм - АЛЛАҒА ШӨКӨР!
Дуҫ иштәрем хәл белешә - АЛЛАҒА ШӨКӨР!
Ҡулдарын биреп күрешә - АЛЛАҒА ШӨКӨР!
Үҙ аяғымда йөрөйөм - АЛЛАҒА ШӨКӨР!
Изге теләктәр теләйем - АЛЛАҒА ШӨКӨР!
Туғандар һәр саҡ янымда - АЛЛАҒА ШӨКӨР!
Мөхәббәт ҡайнай янымда - АЛЛАҒА ШӨКӨР!
Өҙөлөп һөйәр йәрҙәрем бар - АЛЛАҒА ШӨКӨР!
Мине яратҡандары бар - АЛЛАҒА ШӨКӨР!
Күңелем тулған йыр-моң менән - АЛЛАҒА ШӨКӨР!
Үҙ көнөмдө үҙем күрәм - АЛЛАҒА ШӨКӨР!
Мине аңлар дуҫтарым бар - АЛЛАҒА ШӨКӨР!
Атлар өсөн юлдарым бар - АЛЛАҒА ШӨКӨР!
Доғаларым тел осомда - АЛЛАҒА ШӨКӨР!
Изгелектәр гел уйымда - АЛЛАҒА ШӨКӨР!
Аллабирһә йәшәйем әле - АЛЛАҒА ШӨКӨР!
Йәшен булып йәшнәйем әле - АЛЛАҒА ШӨКӨР!
Күҙем күрә, ҡулым иҫән - АЛЛАҒА ШӨКӨР!
Хоҙай миңә илһам биргән - АЛЛАҒА ШӨКӨР!
Ҡөҙрәтемә баға алам - АЛЛАҒА ШӨКӨР!
Рәхмәт Һиңә, Рәхмәт Аллам - АЛЛАҒА ШӨКӨР!

Эльвира Исхаҡова

Йылдар итәгенә йәбешкән дә,
Әллә ҡайҙа саба ғүмерем,
Тағы ла бер йылым шаулап үтте…
Белдемме һуң уның ҡәҙерен?

Кемдәргәлер ярҙам ҡулы һуҙҙым,
Кемдәрҙеңдер һөрттөм күҙ йәшен,
Йылы һүҙҙәремде йәлләмәнем,
Кемдәрҙеңдер булдым серҙәше…

Башҡаларҙың кәйефтәрен һаҡлап,
Рәнйеш-үпкәләрҙе күп йоттом,
Кеше күңелдәрен күрер өсөн
Үҙ күңелем, һине оноттом.

“Йылмаяһың, бер ҡайғың да юҡ,”-тип,
Әйтеүселәр, һеҙгә аңлатам:
Мин бүлешәм ҡайғы менән түгел-
Мин шатлыҡтар ғына таратам!

Үтһен әйҙә ғүмер, үкенмәйем,
Йыл артынан йылды оҙатам,
Мин яратам ошо фанилыҡты,
Кешеләрем, һеҙҙе яратам!!

Фирүзә Абдуллина

Бер ҡатлылыҡ.

Бер ҡатлылыҡ менән ябайлыҡты
Бутамаҫҡа яйлап төшөндөм,
Ябай булып зыян күрмәһәм дә,
Бер ҡатлылығымдан өшөндөм.

Үҙ бәҫемде үҙем ебәргәнмен,
Үҙ баһамды үҙем төшөрҙөм:
Эс серемде лайыҡһыҙға сисеп,
Ғәйбәттәргә йәнде бешерҙем.

Яратҡанмын лайыҡ түгелдәрҙе,
Ҡәҙер белмәгәнде һөйгәнмен,
Әллә ҡайҙан бурыс уйлап табып,
Үҙ иңемә үҙем өйгәнмен.

Ябай булыу, беләм, юғарылыҡ,
Бер ҡатлылыҡ иһә – иҫәрлек,
Тороп ҡалһын ине иҫәрлегем,
Тик йылмайып ҡына иҫләрлек!

Фирүзә Абдуллина.

Йылдар итәгенә йәбешкән дә,
Әллә ҡайҙа саба ғүмерем,
Тағы ла бер йылым шаулап үтте…
Белдемме һуң уның ҡәҙерен?

Кемдәргәлер ярҙам ҡулы һуҙҙым,
Кемдәрҙеңдер һөрттөм күҙ йәшен,
Йылы һүҙҙәремде йәлләмәнем,
Кемдәрҙеңдер булдым серҙәше…

Башҡаларҙың кәйефтәрен һаҡлап,
Рәнйеш-үпкәләрҙе күп йоттом,
Кеше күңелдәрен күрер өсөн
Үҙ күңелем, һине оноттом.

“Йылмаяһың, бер ҡайғың да юҡ,”-тип,
Әйтеүселәр, һеҙгә аңлатам:
Мин бүлешәм ҡайғы менән түгел-
Мин шатлыҡтар ғына таратам!

Үтһен әйҙә ғүмер, үкенмәйем,
Йыл артынан йылды оҙатам,
Мин яратам ошо фанилыҡты,
Кешеләрем, һеҙҙе яратам!!

Фирүзә Абдуллина

Өйгә ҡатын - ҡыҙ инһә, өй эсе яҡтыра. Ир кеше инһә - йылына, бала инһә - шатлыk менән тула. Барыбыҙҙың да өйө йылы, яҡты һәм шатлыҡ менән тулhын! ️