Статистика ВК сообщества "Снежана Даваанын ырылары,шулуктери,чогаалдары..."

Москва аразында тыва уруг Сайлык поездиде ажылдап турар-дыр! Эр хей, тывалар!

Бистиң кожуунга чаа аныяк секретарь уруг келгенден бээр ай чеде берген. Чаңгыс-даа көрүп көрбээн мен. Бир катап дүъште өөмге шайлап олурумда даштын танывазым бир уруг кый деп тур-де. Үне бээримге бээримге:
- Экии, силерни болур бе? Силерни печка дыка салыр дээрге, албан-биле дилеп келдим ийин. Мээң печкам ишти бусту берди, эдип берген болзуңарза. Төлээр мен - деп мындыг. Секретарь уруг ол болду.
- Адыр шува - дээш кирип келгеш, кадайымга чылдып каан быдаам эскеш, ол уругнуң өөнге келдивис. Печканың чугле адаккы колостниги ийлени берген ол-ла болду. Ону эде тыртыпкаш ,"чаа болган "дээримге , уруг мени шайже чалады. Шайлап ор бис, уругнун карактарының дүлгээзини аттыг. Ындыкы өрээлче кылаштааш вино эккеп салды.
- Бөгүн төрүттүнген хүнүм кижи-дир мен ийин. Мында таныыр улузум-даа чок, чүгле силерни-ле үргүлчү көөр дээрден башка - дээш винону ажыткаш:
- Өскээр бодай бербеңер, мугур үженнеп тур мен - дээш адын адап, бодун таныштыргаш дашканы көдүрдү.
Мен чоруур сылдак бодап:
- Чаа, ам мен болдум. Өөм ишти ажылдааш келир, чем кылыр-дыр баргаш - дээримге уруг:
- Бичии олуруңар, далажып чоор силер - дээш винону мээң дашкамче төндүр кутту. Ам бо удаа водка уштуп эккелди. Эзирий хона бергенимден чажам дивейн хөөрешпишаан ижип ор мен. Мырыңай залга ижип эгеледивис , музыка ында ырлаан. Бир көрүп орарымга ол уруг чолдак кызыл халат кедип алган, арагазын кудуп тур. Бир миннип кээримге ол уруг мени чавыдактап алган ошкап эгеледи. Бодумну көрген, чүвүрүм-даа хөйлеңим-даа чок. Чогум чоок харылзаага мүн-не четпээнни шын.
- Ойт, бо канчап бардың дуңмам?! Ыңай тур шымда! Алган кадайлыг,ажы-төлдүг кижи-дир мен - дээримге уруг-даа шуут дедир барды. Ам канчаар хорадааш:
- Ыңай тур э...пи!!! - дээш дүжүр идеримге салдынмас, шуут бажымдан сирбектепкеш ышкыштап эгеледи. "Э..пи боор бо!" - дээш бар күжүм-биле идеримге ынаар чаштай бергеш көңгүр-ле диди.
- Айоо, айоо! - дээш алгыра-ла берди. Караам ажып кээримге багай кадайым шаладан туруп чадап:
- Бо канчап бардың?! Сээдеңней бердиң бе?! - деп бажы авыраара берген, карактарын хере көрүп алган туруп олур. Харалаан чүве, дүжей берген болдум. Багай кадайым харын даа чүгээр дүшкен.))

Дуңмам соңгаар хоорайга бир дугаар курска өөренип турган. Мен ажылдааш, чанар дээш долу газельге олурупкаш, туруп алгаш чораан мен. Телефонум алгыра берген, көөрүмге дунмам болду. Ырак черде дуңмам долгап кээрге, туттунуп алгаш чораан хиремде кызып-кызып тудуп аарымга, үнү арай багайы кончуг. Кайгап кааш:
- Алло! Дыңнавайн тур мен, дуңмам. Ыыткыр чугаалавыт - дээш девидеп эгелээримге, дуңмам дыка таваар:
- Угбай иштиг болдум - деп бо ийин. Ии, хорадааш:
- Өөренип чорупкаш, багга турган ыт ышкаш маңнап турдуң бе?! Ол чериңге божуп артып каг, бээр келбе! - дээримге, дуңмам багай үн-биле:
- Ам канчаар кижи мен, угбай - дидир.
- Канчаптарын ол иштелдирип алган кижиң билзин! Чаш хирезинде иштелип - дээш хыйланып чор мен. Оон дуңмам тургаш:
- Билбес кижи-дир мен ийин кымдан иштиг болганымны - дээрге суг анаа частып каг чазып турар мен. Школага өөренип тургаш, үнмес-халывас кижи-дир ийин. Шуут кайгап калган мен, ындыг чүве дыннааш. Дуңмам ында шүжүлээрге суг дам хорадааш:
- Ней ыгланайнып тур! - дээримге, дуңмам каткызын тудуп чадап кааш:
- Бөгүн апрель 1 ийик чоп аан - деп дүжүрдү-ле.
Мен дээрге хорадап турарым олчаан: - Чүү апрель бир?! Апрель бир боорга чүү чүвел?! - дээш утказын билбейн тур мен: - Эртем четпейн чыткаш, билдинмес кижиден иштелип! - дээримге, дээм ыглап турар деп бодаан дуңмам:
- Йох, баарым шыдавас мен! - дээш хикиредир каттырып турар кижи болган.
- Бо сээдеңней берген кижи сен бе?! Канчап бардың?! - дээримге, чугааланып чадап каттырып-ла тур. Мен кезек дыңнаалап манап тур мен. Ынчаар ыыттавайн телефон дыңнап турумда, бир мээң үем аныяк оол:
- Бөгүн апрель 1 чүве-дир ийин - дептерге будун газель каттырышкан. Оон миннип кээримге, туруп алган чораан бодум оруп алган шаанга киир хорадаан чор мен. Ынчан чаа универ дооскан аныяк специалист болгай мен. Ии, ыяткаш дараазында остановкага туруптарга аткан ок дег үне-ле халыдым. Дуңмамга хорадаарым аажок. Кежээ чанып келгеш сактып келгеш бодум далдыр каттырып чыдыр мен. Кижи мегелеп турар херээжен боор. 🤣🤣🤣

Ол үениң эки турганын...Кижилер-даа бөдүүн-шынарлыг чораан.Амгы үе коргунчуг-дыр эштер

ТӨРЭЭН СУУРУМ КЫЗЫЛ-МАЖАЛЫК

Чаъжым өрээн угбаларым
Чассыдып кээр эргим авам
Сактып кээр мен - ол-ла олчаан
Сайзанак дег көстүп кээр сен.

Төрээн суурум Кызыл-Мажалык
Төөгүмнүң байлаа болдуң.

Хемчик хемим сырыны кээр
Чараш ногаан кудумчулар
Кежик-чолдуг ойнап өскен
Чаптанчыг чаш өңнүктерим -

Төрээн суурум Кызыл-Мажалык
Төөгүмнүң байлаа болдуң.

Уран хөгжүм аялгазы
Уруг меңээ дүжүмде кээр
Хып дээн чалыы назынымче
Кыйгы салган сеткилим боор,

Төрээн суурум Кызыл-Мажалык
Төөгүмнүң байлаа болдуң.

Кайы-ырактан харап орар
Камгалакчы Мажалыктар
Өөрүшкүлүг чуртталгамны
Өйлеп каастап чору силер -

Төрээн суурум Кызыл-Мажалык
Төөгүмнүң байлаа болдуң.

Созу:Чаяна Чыыкайныы
Аялгазы:Снежана Давааныы
"Торээн суурум,Кызыл-Мажалык"

Барыын-Хемчик кызы-дыр мен!

Хензиг кара чажымдан-на кызыл даван
Хемчик Хемим кыдыы орта маңнап чораан
Чыжыргана чыып-чип ойнап өзүп келген
Чоргаар чаңнаар Барыын-Хемчик кызы-дыр мен!

Барган кижи мактап чанар Барыын кожуун
Барган сен бе, чогум чедип көрген сен бе?
"Кижи көжээ" "Үттүг-Хая" ыдык черлер
Каастап чоруур Барыын-Хемчик кызы-дыр мен!

Чуртталгамның аайы-биле өскээр көшкеш
Чурттумда мен чурттавайн чорзумза-даа
Черим-чурттум черле кагбайн эргип чоруур
Чоргааранчыг Барыын-Хемчик кызы-дыр мен!

Автору: Снежана Даваа

06.04.2022. 01.10

Дүнекиниң 03.00 шак. Соктай-оол биле Клара аажок удаан. Хенертен киңгиредир эжик соктаан. Соктай-оол сири-кавы туруп келгеш аажок хорадап:
- Кымыл ёвана?! - деп хыйланган.
Эжик аскында шала эзирик үн:
- Яя напар! Каям мени бичии идивидем. Буян боор ыйнаан - деп-тир:
Соктай-оол хорадап:
- Сээдеңнеп калдың бе шаак? Дүнекиниң үш шак чүве-дир. Өске улустан тып ал. Бис удуп чыдыр бис! - дээш хыйланмышаан орунунга чыдып алган-дыр.
Клара тургаш:
- Кым-дыр? Чүү деп тур? - деп айтырган.
- Та ядарадыр! Мени идивидем деп танывазым бир кижи-ле-дир. Ойладып чоргузуптум - деп-тир.
Клара хая көрнүп келгеш:
- Че сээдеңиңни! Таанда, бир кижи дуза дилеп кээрге чаңгыс катап дузалапас-даа сен. Эрткен чылын Кызыл баар чыдырывыста машинавыс туруптарга, улус итчип бээр чорду чоп! - дээш хыйланган-дыр.
- Че ёптамать! - дээш Соктай-оол идик-хевин кеде-ле берген. Бажыңындан үнүп келгеш чүү-даа көзүлбес караңгы дүмбейже:
- Эй аа! Кайда тур сен?! - деп кыйгырган-дыр.
Караңгыдан бир үн:
- Бо мында-мында мен яя - деп-тир.
Соктай-оол тургаш:
- Кайда??? - деп кулак салып дыңнаалаан.
Караңгыдан үн:
- Мында-мында. Чайганыышта олур мен. Идивидем - деп-тир.

Апрель 8-те кежээ 20.00 шакта Кафе " Абсолют"ка болуп эртер оюн-көргүзүглүг
"УЯН ЫРЫЛАР,СИЛЕРГЕ!" аттыг баштак-хөглүг кежээвисче, ЧАЛАДЫВЫС ЭШТЕР!
Келген аалчыларның телефоннарының дугаарларын БАРАБАНГА ойнадыыр бис.Шаңналы-ХОЙ!
Кирер өртээ: 500 акша.
Эрги шагның чараш ырыларын болгаш ынак ырыларыңарны мага-хандыр дыңнап, бистиң-биле хөглеп дыштанып алырыңарны, КЫЙГЫРДЫВЫС!
Бөлүктерже таратчып бээриңерни диледивис эштер!