Статистика ВК сообщества "Тыва ырылар сөстери♡°•"

Оожум океан

Чечектер хөй сунмас мен,
Чедип алгаш турбас мен.
Сеткилимни ол чока-ла билир сен,
Узун чагаа биживес мен.

Уруг сени истеп сүрбес мен,
Каткы хөглүг эвес мен,
Кады агаарлавас мен,
Кайгамчыктыг белектер бербес мен,
Ынчалза-даа сөглеп каайн:
Ынакшылым сеңээ душтум.

Пр:()
Карактарың көөрге
Хадып чалгып чыдар -
Оожум океан.
Кайда чор сен, кайда?
Катап база душса,
Карактарың кайдал аан?

Чараш сөстеп турбас мен,
Чангыс катап сөглээр мен
Чаражым бооп чарылбайн чоруул.
Салымывыс каттышкан
Сагыжымны доюлдур ырлаайн

Эжим дээштиң катаптап,
Эмин эттир чымчактап
Эглир кылдыр самнап турбас мен.
Эр-ле боттуң сеткили -
Эргимим сээ идегелим.

Пр:()

ДЫҢНА АВАЙ...

Чурумалдыг салым чолдуң аайы-биле
Чуруп ор мен, бижип ор мен, дыңна Авай.
Хеймер оглуң хөй-ле чүүлдү сөглекседим,
Каш-ла сөстүг одуруум бо сеңээ, Авай.

Сеткилимде дойлуп чоруур бодалдарны
Сенээ Авай ажытсымза, сөглезимзе.
Сен чок меңээ өртемчейге берге бооп тур,
Сени сактып чүрээм ыглап, өскүс чор мен.

Өртемчейге аваңарны үнелеңер, хүндүлеңер!
Өртээ турбас өңгүр чараш кижиңер ол!
Өпей чаштан азырап кааш өстүрүп каан
Аваларны кежээ шагда өөртүүлүңер!

Сеткилимде өйүп чоруур сөстеримни
Номчуп көр даан, дыңнап көр даан, күжүр Авай
Дүжүмге кээп оглуң мени оожуктуруп
Чаагым чыттап чагыың меңээ берем, Авай.

Чанымга мээң авам күжүр чораан болза,
Амыдырал көнгүс өске боор иин Авай,
Чуртталгада хөй-ле чүүлдү билбейн чор мен,
Чадаарда-ла сөстер бижип ор мен Авай!

Чеже хемнер

Чеже хемнер, чеже суглар акпаан дээрил?
Сеңээ душ бооп таваржы бээр, солун-на-дыр.
Кезек када сеткилимни доюлдургаш,
Хемнер кежир, арттар ажыр чоруй баар сен.

Ынак болган карактарың кыйгырза-даа,
Ырларыңның аялгазы хөлзетсе-даа
Имистелген ынакшылдың көзү чок деп,
Ийе хаарын, кайывыс-даа билип чор бис.

Ону чоор сен, чадаганга ойна-ойна,
Оода чүрээң чалымынга чылнып алыйн,
Кударалдың мунгаралдың херээ чүү боор?
Кудук чайып, каткы-хөглүг хөөреп ор даан.

Сагыш-сеткил бар-даа болза, салым аңгы,
Чажыртынган күзелдерни оттурбаалы.
Шак бо делгем өртемчейге дужар кылдыр
Чаяап кааны хензиг-даа бол, кежиивис-дир.

Амырагым болуп көрем

Каттыраңнаан шырайыңче
Чүс-даа катап топтап көрзе.
Шырай арның эрикпес-тир
Чүге ындыын эскерип көр.

Аткан даңның херели дег,
Аныяк чаш ынакшылым.
Чүгле сен дээш оду чайнаан,
Чүрээмни кым чагырарыл?

Частып үнген чечек ышкаш,
Чалыы шаамның ынакшылы.
Аян ырым кады ырлаар
Амырагым болуп көрем.

♬Ховар душ бооп♬

Am_________________________G
Ховар душ бооп чараш кыс сээ дужа бердим
G_______________________Am
Хондур безин уйгум чидип сени бодаар
Am_____________________G
Дүвүренчиг берге дүннер эрткен соонда
G_________________________Am
Дүрген-не сээ дужуксай бээр апарган мен

Dm___________G
Чалыы хостуг чораан оол мээ
C_____________Am

Чараш кыстың хүлүмзүрүү
Dm__________Em_______Am
Чанымда дег сагындырар-дыр

Ам бо хүнден эгелээштиң сеткил чүрээм
Амырааң бооп кезээ шагда чоруксаам кээр
Алдын хүнүм аяс дээрим бистер ийээ
Аас-кежик берген болза, дилээр-дир мен.

Шак бо ырлаан кааш сөзүм
Чалыы чурээм чажыды-дыр
Чаражым сээ ырлап олур мен.

Ховар душ бооп дужа берген чараш кызым
Хөңнү багай ынакшыл чок, куруг болган.
Хөйнү сөглеп сени дээштиң маңнавас мен
Хостуг чоргаар үнүм хоюг ырлап чорууйн.

Суук чажың хөнү-сынның
Чугаа эрээн хоюг үнүң
Чалыы чурээм дүвүредип чор.

Оглуң чүрээ уяраан

Пр:()
Оглуң чүрээ уяраан,
Ынакшылга алыскан.
Канчап барган чүрек боор
Харыылап берем авай?

Оглуң чүрээ ынакшаан
Уяаралга алыскан,
Канчап барган кижи мен?
Билбейн чор мен авай.

Узун дүнелерде удуп чадап чор мен,
Ол бир кыстың хөглүг аажы-чаңын сактып.
Сыртылааштыг борбак чаактарыңны суйбап
Олурзумза...

Дүвүретпе мени дүвүренчиг болу бердиң.
Дүне када дүжүмге кээп ужураштың.

Пр:()

Кажан-на бир сеңээ дужуп келир хүнүвүсте,
Карактарың ханызынче көрүп алгаш чугалаар мен.
Кандыг черле бодалдарга алыскан дээр,
Хөрек иштин чүрек күжүр амыратпаан
Суггур чаашкын катап-катап кудуп кээр.
Аяс хүнүм ийи чангыс бакылаар
Кол-ла чүве сен херек турдуң
Мээң эмим сен-дыр сен, бил.

Пр:()

Сайын Доржу-Чаагай чыдың

Часкы хүннүң херели
Чаактарымны чылытты.
Чараш кыстың көрүжү
Чалыы чүрээм хөлзетти .

Пр:()
Танцылаалам чараш уруг,
Таныжың бар бе? Айтып бер
Карактарже көржүп алгаш,
Танцылаал.

Частып үнген чечек дег
Чаагай чыдың аяныын.
Чамашкылыг чүрээмниң
Чалгыны бол, чарашпай.

Пр:()

Ынакшылым шынзыдар,
Ындыг сөстер тыпас мен.
Ыглатпас мен кажан-даа
Ынаам болуп артып кал.

Пр:()

Өг-бүле‍‍‍

Өгбелерниң чурттунда
Өөрүшкүлүг бооп чурттаар
Өглер тиккен ховуда
Өңгүр-чараш чуртталга
Өг-бүле болуп кады
Өстүргенивис малдыг
Өй-шаавысты бис биле
Өлгүжеге чурттаар бис

Пр:()
Өг-бүле өөрүшкү, ажы-төл
Өг-бүле ынакшыл, найырал
Өг-бүле бот-ботка деткимче эжим
Өг-бүле мен биле сен-дир сен
Өг-бүле мен биле сен-дир сен

Амыр эвес чуртталганың
Алгыш-кырыш чок эртип
Боттарывыс үнелеп
Хумагалыг чурттаалы
Эжеш дуруяалар дег
Эрге ужуп самнаалы
Эртине боор үүлени
Эриин ажыр камнаалы

Пр:()

Авай🥰

Азарганчыг ынайымдан,
Азырап каан авайымны.
Ажыл-ишке эрес бол деп,
Айтып сургаар авайымны.
Чажымда-даа улуумда-даа,
Сагыш човаар төлү мен дээш,
Тыны менде тудуш ышкаш,
Дыжын билбес авайымны,
оо-ооой, авай,
ооо-оооо-ой, авай.

Эртем билиг шагда дооскан,
Эштиг өөрлүг, өглүг-баштыг,
Оглуң мени ам-даа чаш дег,
Удааш дүжээр авайымны,
Күжүн бергеш өстүрүп каан,
Күжүр авам күзели дег,
Чоннуң херээн кылчып чор мен,
Чоргаарланып ырлап чор мен,
ооо-оооой, авай,
ооо-оо-ой, авай.

Ында кижи 🤫

Харжыгаш бооп хуулуп алгаш,
Адыжымга эрип каар сен,
Хамык чүүлдү өскертипкеш,
Хары черже чоруй бардың.

Пр:()
Адың адап ырлавас мен,
Анаа бодуң билип каг.
Аравыста ынакшыл бе?
Анай-карам болур сен бе?
Ынак мен сеңээ, ында кижи🤫

Хуулгазын күш менде чок,
Сеткилиңни билбейн чор мен.
Хунаап алыр арга болза,
Хуужудуптайн, чүрекейиң.

Пр:()

Харжыгаш дег, эривейн бар,
Хары черге артпайн көрем.
Чечен тоолда даңгына дег,
Чедип кээриң манаар-дыр мен.

Пр:()