Статистика ВК сообщества "БӘХЕТЛЕ"

ТОҒРОЛОҠ
Изге тойғо менән тыуа улдар,
Ҡандан-ҡанға күсә рух-орлоҡ.
Ниндәй генә хәлдәрҙә лә ир-ат
Һаҡлап ҡала илгә тоғролоҡ.

Әле булһа беҙҙә ир-егеттәр
Кеҫәһендә бетеү йөрөтә.
Эске инанысы көслө заттың
Дошмандары аңын өркөтә.

Ниндәй генә хәлдәрҙә лә улдар
Һаҡлай ерһөйәрлек тойғоһон.
Бар асылы менән һиҙә улар
Ерҙең тын алышын, бар аһын!

Йырҙарҙы ла беҙҙә ир-егеттәр
Һайлай фәҡәт ере хаҡында.
Арҡалары менән тоя улар
Батырҙарҙың тынын артында.

Туған телдәрендә ант бирәләр,
Теле менән көслө һәр халыҡ!
Һиҙә улар Аҡмулланың һүҙе
Быуаттарҙан тора уҡталып.

Ил ҡеүәте – әхлаҡ ҡанундары,
Дәүләт нигеҙендә – рух, иман.
Изге яуҙа тик яҡшылыҡ еңә,
Һынаһа ла беҙҙе был заман!

Изге тойғо ҡанат йәйгән илдә
Ҡандан-ҡанға күсә рух-орлоҡ.
Ниндәй генә хәлдәрҙә лә, милләт,
Һаҡлай алһын
Илгә,
Ергә,
Телгә
Тоғролоҡ!
Лариса Абдуллина.

ЙӘШӘҮ - ҮҘЕ БӘХЕТ БИТ УЛ...

Кеше һәр саҡ бәхетле ул — шуны белмәй.
Ғүмер баҡый әллә ҡайҙан бәхет эҙләй.
Бәхет эҙләп, илдәр гиҙә, күктәр иңләй,
Тик бәхеттең ни икәнен аныҡ белмәй.

Аңлағанға — һәр атҡан таң йыуаныстыр,
Һәр бер күргән әйбер үҙе ҡыуаныстыр.
Йәшәү — үҙе бәхет бит ул, үҙе бәхет!
Уның өсөн кәрәк түгел таж һәм тәхет.

Нимәгәлер өлгәшеүҙә түгел бәхет,
Уның өсөн кәрәкмәй ҙә дан һәм шөһрәт.
Ташламаһын һәр әҙәмде тик һаулығы,
Һаулыҡ булһа килер уға көс һәм ҡөҙрәт.

Йәшәү үҙе бәхет бит ул, үҙе бәхет!
Ошо хаҡта аңлау фарыз. Тик шул ғына!
Яҙғандарым — бәхет эҙләп йонсоғанға
Бәхеткә юл табыр бер ым, ысул ғына.

(Сулпан Миңлебаева)

Ҡапҡа төбө.Танышыма килдем.
Ҡапҡа шаҡып торҙом бик оҙаҡ.
Килде заман — ауыл өйҙәрендә
Хәҙер ҡырылмаһа ҡырҡ йоҙаҡ.

Үҙәктәрҙе өҙөп, һағындыра
Бала саҡтың кескәй йорттары:
Асыҡ ишек алды.Ел ҡапҡалар.
Етеле шәм янған уттары.

Күрше өйҙәрҙең бар балалары
Өйҙән-өйгә йөрөп уйнаныҡ.
Кемгә генә инеп уйнаһаҡ та,
Берәү һуҡранманы, тыйманы.

Асыҡ ишектәрҙәй асыҡ ине,
Ябай ине ул саҡ күңелдәр.
Байлыҡ та юҡ ине ул өйҙәрҙә —
Сикһеҙ һағындыра шул мәлдәр.

Юҡ инде ул өйҙәр. Урынында —
Оло йорттар. Йыһаз затлынан.
Ишек алды тулы — машиналар,
Кеше көлә хәҙер атлынан.

Күрше һирәк инә күршеһенә,
Мохтажлыҡ юҡ йомош һорарлыҡ.
Тимер ҡойма аша ихатаға
Аяҡ ослап ҡына ҡарарлыҡ.

Өйҙән-өйгә йөрөп уйнамайҙар,
Үҙ өйөндә яңғыҙ балалар,
Күмәк балалылар һирәк хәҙер,
Был донъялар ҡайҙа баралар!

Кәштә-кәштә кейем, ашау мулдан,
Тормош һис тә түгел аҙаплы,
Тик ниңәлер ҡапҡа ғына түгел,
Күңелдәр ҙә ете йоҙаҡлы...

Флүрә Йомағужина.

Байлыҡ һәм мал теләп укыла торган дога"

اَللَّهُمَّ رَبَّ السَّمَوَاتِ السَّبْعِ وَ رَبَّ الْعَرْشِ الْعَظِيمِ رَبَّنَا وَ رَبَّ كُلِّ شّىْءٍ مُنْزِلَ التَّوْرَاتِ وَ الْإْنْجِيلِ وَ الْقُرْآنِ فَالِقَ الْحَبِّ وَ النَّوَى أَعُوذُ بِكَ مِنْ شَرِّ كُلِّ شَىْءٍ أَنْتَ آخِذٌ بِنَاصِيَتِهِ أَنْتَ الْأَوَّلُ فَلَيْسَ قَبْلَكَ شَىْءٌ وَ أَنْتَ الْآخِرُ فَلَيْسَ بَعْدَكَ شَىْءٌ وَ أَنْتَ الظَّاهِرُ فَلَيْسَ فَوْقَكَ شّىْءٌ وَ أَنْتَ الْبَاطِنُ فَلَيْسَ دُونَكَ شَىْءٌ ، اِقْضِ عَنِّى الدَّيْنَ وَ أَغْنِنِى مِنَ الْفَقْرِ

«Аллаһүммә раббәс-сәмәүәәт ис-сәбги үә раббәль-гәршиль-гәзыйм. Раббәнәә үә раббә күлли шәй-им мүнзиләт-тәүрати уәль- иңҗиили уәль-курьән. Фәәликуль-хәбби үән- нәүәә, әгүүзү бикә миң күлли шәй-ин әңтә әәхыйзум би нәәсыйәтиһ. Әңтәль-әүүәл фәләйсә кабьләкә шәй-үн үә әңтәль-әәхыйр фәләйсә бәгьдәкә шәй-үн үә әңтәз-зааһир фәләйсә фәүкакә шәй-үн үә әңтәль-бәтыйн фәләйсә дүүнәкә шәй-э. Икъдый гәннид-дәйнә үә агънини минәль-фәкърь».

«Аллаhым! Әй җиде кат күкләрнең hәм бөек гарешнең Раббысы! Әй безнең hәм hәр әйбернең Раббысы! Әй Тәуратны, Инҗилне hәм Коръәнне иңдергән, орлыкларны hәм төшләрне ачучы Аллаhым! Синең көчен астында? Булган бөтен әйбернең зарарыннан синең затыңа Сыенам. Син Әүүәлсең (Беренче) ки, сина хәтле бернәрсә дә юк. Син Ахир, синнән соң бернәрсә дә юк. Син Заһир, синнән өстен берни юк. Син Батыйн, синең алдыңда берни була алмый. Минем бурычымны түлә hәм мине байыт. (Мөслим: 4/2084).

(Лена Абдуллина диуарынан)