Статистика ВК сообщества "ИВОРЪЁС. МЫНАМ УДМУРТИЕ"

Туннэ 75 арессэ пусъе Россиысь но Удмуртиысь сӥё-дано артист Михаил Ворончихин. Глазов ёросысь Качкашурын вордӥськем кырӟась кема аръёс ӵоже "Айкай" театрын тыршиз.

Михаил Тимофеевич, Тӥледыз "Удмуртия" телерадиокомпаниын ужасьёс лулысь-сюлмысь ӟечкылало Вордӥськем нуналэныды! Шулдыр но капчи мылкыд, юн тазалык мед ваёз выль арды. Яркыт буёлъёсын, шунытэсь тодэ ваёнъёсын, шумпотонэн мед тыр луоз котькуд нуналды!

#МынамУдмуртие #Иворъёс

Адӟе-ай, кыӵе чибориё хризантемаосын туннэ милемды шумпоттӥз эшмы - [id382804435|Игорь Воронцов]. Тау, Игорь! Тулыс омыр, шулдыр мылкыд пыртӥд уж дурамы. Матын ини 8 март, эшъёс .

#МынамУдмуртие

Бур ӵукнаен, эшъёсмы!

Выль ар мылкыд вӧлске: котыр яркытгес, шулдыргес, чебергес луэ. 🥳

Выль арез ӝутскем мылкыдын пумитаны юрттоз "Удмуртия" телеканал. Ӝуатэ телевизоръёстэс Выль ар уйе, но кырӟалэ Сергейёсын ӵош!️

#МынамУдмуртие

Туннэ вордӥськем нуналзэ пусъе ужъюлтошмы [id152649235|Валентина Русаева]. ӞЕЧКЫЛАСЬКОМ🥳

Шуд-дэлет сӥзиськом!!!

#МынамУдмуртие

Элькунмылэн уйпалаз но Выль ар мылкыд шӧдӥське ини!(Глаз ёрос, Куреггурт)

Туннэ милям вордӥськем нуналмы!
"Удмуртия" телерадикомпанимылэн кылдэмез дырысен - 20 ар. Ӟечкыласьком учкисьёсмес но кылзӥсьёсмес, озьы ик ужъюлтошъёсмес но эшъёсмес!

2-тӥ шуркынмонэ, 2001-тӥ арын Удмурт Элькунлэн Кивалтэтэз пуктэт юнматӥз «Телерадиовещательная компания «Удмуртия» кун предприятиез кылдытон сярысь. Ужпум туж бадӟым пуктэмын вал-кылдытоно ивор вӧлмытонъя кужмо компания.

11 толэзь ортчыса, 1-тӥ коньывуонэ 2002 - тӥ арын эфире потӥз «Моя Удмуртия» ("Мынам Удмуртие") телеканал.
Нош 3-тӥ шуркынмонэ 2003 тӥ арын быдэс удмурт шаер тыр вераськыны кутскиз «Моя Удмуртия» ("Мынам Удмуртие") радио.
Нош 2-тӥ шуркынмонэ 2006-тӥ арын «Моя Удмуртия» ("Мынам Удмуртие") сайт кылдӥз.

#МынамУдмуртие #Иворъёс

Шуд но тазалык туннэ сӥзиськом йӧскалык службаен кивалтӥсьмылы Сергей Анатольевич Касаткинлы но эфирез нуисьлы, спецкорреспондентлы - Светлана Альбертовна Касаткина - Белыхлы!

Ӟечкыласьком Вордӥськем нуналэныды!🥳

Котьку мед пиштоз шунды, медаз сӥя сюлэмды, трос аръёслы - яратон, котькуд вамыштылы - шумпотон!

#МынамУдмуртие #Иворъёс

Влад Лекомцевлэн - нош ик зарни. Таяз радэ биатлонын. Спринт бызьылонъёсын улосчимы нош ик ваньмызлэсь кужмо.

Калыккуспо паралимпи комитетлэн тол спорт амалъёсъя дунневыл ӵошатсконъёсыз та нуналъёсы ортчо Норвегиысь Лиллихаммерын.
Та чемпионатын Влад Лекомцев зарни басьтӥз ни 12 но ӝыны иськеме куас вылын бызьылонъёсын.

#МынамУдмуртие #Иворъёс

Туннэ ӟечкыласьком Светлана Михайловна Кибардинаез Юбилееныз!

Сӥзиськом дауръёсын пинал задор мылкыд, чеберлык, учкисьёслэсь но кылзӥсьёслэсь яратон!

#МынамУдмуртие #Иворъёс

Владислав Лекомцев - дуннелэн 14 пол чемпионэз. Норвегиысь Лиллехаммерын йылпумъяськиз Паралимпи калыккуспо комитетлэн тол спорт амалъёсъя дуннелэн чемпионатэз.

🥇🥇🥇🥇🥇🥇🥇Влад Лекомцев биатлонын но куасэн бызьылонъёсын 7 зарни медальёс утӥз. 🏻Кӧснуналэ спринтын вормиз, нош арнянуналэ -эстафетаын. Нош солэсь азьвыл Влад куас вылын но биатлонын 5 зарни утӥз ни вал.

#МынамУдмуртие #Иворъёс

Туспуктэм sportur. ru cтраницаысь.