Статистика ВК сообщества "КЫРЫК МАРЫ / Горномарийская группа"

Маргарита Синуткина,
Ирина Капустина,
Светлана Палагина:
у мырывлӓм колыштда!

сем- Салават Фатхетдинов,
кырык марлашкы Надежда Гайдова сӓрен - "Вӓшлимӓш";

семжӹ Анатолий Саватеевӹн,
шамакшы Вячеслав Григорьевӹн -
"Шӹжӹ"

Олма Спас доно, кырык мары халык!
Шу лидӓ!

Зосим Лаврентьевӹн картин:

Тройцын кечӹ дон, кырык мары халык!

Зосим Лаврентьев "Сӓмӹрӹквлӓ док хыналаш".

"Кырык сирӹн цевержӹ" мыры.

Сем - Софья Метёлкина,
Шамаквлӓ - Ипполит Лобанов.

1)Ныр тӹрӹштӹ василёквлӓм погем,
Палнырак йӹрӓлтӓ тӓнгемӓт.
Сек цевервлӓм кӹрӹм ыржа ло гӹц,
Сек яратымемлӓн букетшӓт.

Припев:
Кыргыж миэм шаным док,
Анжал шӹндем сӹнзӓшкок,
Кырык сирӹн цевержӹ,
Василёк гань тӓнгемжӹ.

2)Ӹрвезӹ сага сусу мадын сӓрнӓш,
Ныр тӹр мыч ашкедӓм сагажок.
Пурынок семӓлӓ шачмы вӓрем
Сӓмӹрӹквлӓн шӱмӹм йориок.

3)А ялгорны видӓ кугилӓшкӹ...
Дӓ тӹштӓт веселӓ литӹмӓш!
Василёк пеледшӹ жепшӹ цӓшӓн,
Яратым дон лӓкмӹк вӓшлимӓш.

Алёна Сорокина:
- Кечӹ лӓкмӹ вырт дӓ вӓржӓт йӓнгӹм ӹвӹртӓт!!!Кырык мары мӱлӓндӹнӓжӹ,лачокат, пиш цевер

Сергей Алдушкин
Кырык мары кӓршӹзӹвлӓ. 2006
Фаина Эшмякова дон Юлия Веткина.

Йоласал- сек кого сола Кырык сирӹштӹ.
Молнам Еласовский районын центржӹ (1936-1959) ылын.

Йоласал (рушла Еласы) сола — Кого Йынгы ӓнгӹр лишнӹ вӓрлӓнӓ, Цикмӓ гӹц Йоласал якте 25 уштыш нӓрӹ. Сола гишӓн пӹтӓриш гӓнӓ архив документвлӓштӹ «Йолас / Элас сола» семӹнь 1702-шы ин пӓлдӹртӹмӹ ылын. (+++) 16-18-шӹ курымвлӓн ти первишӹ мары сола Акпарс лужавуйын тӹнг ӓсӹкшӹ ылын, кыды «Кого Йыл Шудермар» сола-обшинӓ маналтын. 1795-шӹ ин 25 ӹлем (кудвичӹ) ылын. 1859-шӹ ин 43 ӹлем ылын (120 пӱэргӹ дӓ 125 ӹдӹрӓмӓш). 2001-шӹ ин 227 кудвичӹм шотлымы (220 пӱэргӹ дӓ 335 ӹдӹрӓмӓш).

1827-шӹ ин церкӹм Тошты Цермышал гӹц Йоласалыш ваштымыкы, ти сола церкӹ кымдемӹн центржӹ лин.
1847 ин Йоласалышты пачылтын приходской училищӹ, вара 1905 ин тӹдӹ земской училищӹ маналтын, 1918 ин-" Высшая начальная школа", кыдым вуйлатен художник Григорьев А.В.1924 ин 7 иӓш школ лин, 1939 ин- кӹдӓлӓш.
1827 ин пачылтын церкӹ, 27.06.1939 - чӱчмӹ.
Здаништӹжӹ Йоласал район администраци вӓрлӓнен, 1959- 1975 ивлӓн- " школа- интернат для нуждающихся детей".Вара СПТУ -29.
2007 ин церкӹ угӹц пачылтын.
Кӹзӹтӓт изин- олен тӹвӹлӓйӓлтеш, уэмеш.

1905 ин земской больницӹ пачылтын.
2008 и гӹц у зданим пачмы.

Йоласал кӹдӓлӓш школым тымень лӓкшӹ лошты: Мары Эл республикын пӹтӓриш президент В.М.Зотин, писательвлӓ Н.Ильяков, Г.Матюковский.Пӹтӓришӹ кырык мары эстрадный мырызы Елена Мочалова.
Шукы кымдемӹштӹ пӓлӓт Йоласал школын "Шыжарвлӓ" кӓрш ансамбльым, кыдым Фаина Эшмякова вуйлата.

2017 ин Йоласалышты пачылтын Кырык мары пӓшӓлӹмӹ тома( кидпӓшӓ пӧрт). Тӹштӹ шукы тошты хӓдӹр, халык лошты погымы. Нӹл студи пӓшӓм ӹштӓ: гончарный, комы, ыргымы- тӹрлӹмӹ дӓ пу мыч пӹчкедӹмӹ.

"Мыры-2021" гӹц:
Ирина Капустина, Светлана Палагина, Маргарита Синуткина -
" Ах, яратымаш"(А Соснов, Н.Егоров)

Йымыӓвӓн Владимирский иконым намалмы, Виловат гӹц Паратмарыш. 12.06.2022
Паратмары лишнӹ шолын лӓкшӹ вӹдваж.

Георгий Фадеевӹн фото

СОЛАШТЫ ВЕЛЕ

Солашты вел лывыргы йӓнгем,
Кынам попалта ӓвӓн шӱм,
Кынам садвичӹш выртеш лӓкнем,
Дӓ шыла, пӹтӓ халан сӱм.

Солашты вел ладнангеш йӓнгем,
Кынам сагаэм ласко тӓнгем,
Кынам йӹрвӓшем олма сад.
Дӓ шолеш ӹлӹмӓшӹн пад.

Солашты вел кӓнӓлтӓ йӓнгем,
Кынам цӹвӹлтӓ ирӹ лыпш.
Цевер шӹдӹрвлӓ йӹр мӹнь сӓрнем,
Дӓ чӱкта эче иктӹм ыш.

Солашты вел ӹлӹжеш йӓнгем,
Кынам ныр капка выча виш.
Кынам первишӹ эче пӓнгеш.
Дӓ ӹлӹж кеӓ мимӹк лиш.

Солашты вел ӹвӹртӓ йӓнгем,
Кынам ашкедӓм нырвлӓ гач.
Кынам кымылем пурым шӓнгеш,
Дӓ ӱжӹт толаш тӓнгвлӓ пац.

©Софроний Гайдов

Фотошты- Нина Тятюкова