Статистика ВК сообщества "ФАЙҘАЛЫ КӘҢӘШТӘР l Серләшәйек l Яуап бар"

Быуын һыҙлағандан - әрем майы!дуҫтар бик шәп рецепт, кемдәрҙең быуындары һыҙлап интегәләр эшләп ҡарағыҙ ☝️☺️

Был рецептың шифалы икәненә күптәр инанған.

Быуындар һыҙлағандан бик шәп дауа!

Әле әремдең шифаһы тураһында бик күп яҙалар, быуын һыҙлағандан һыналған шәп рецепт менән бүлешкебеҙ килә. Хуш еҫле әремде йыйып, быяла банкаға тығыҙлап тултырырға ла өҫтөнә көнбағыш майы ҡойорға. Артабан бәләкәй кәстрүлгә һыу һалып, шунда банканы ултыртып, талғын утта ике сәғәт ҡайнатып алырға кәрәк. Шуныһы мөһим: был ваҡыт үткәс, һүндереп, шунда һыуынғансы ултырһын. Һуңынан инде майҙы һөҙөп алырға була. Бына бик шифалы май әҙер ҙә. Кис ауыртҡан-һыҙлаған урындарға һеңгәнсе ыуып ятһаң шифаһы ҙур. Берҙән, арыған-талсыҡҡан аяҡ-ҡулға массаж булһа, икенсенән, ауыртыу баҫылып ҡалыр.

Бик көслө доға
Бик көслө доға өйрәтәм һеҙгә, - тип яҙып бирҙе был доғаны танышым."Хәмиҙә инәй Ейәнғолованан (йәне йәннәттә булһын) яҙып алып ҡалған мөнәжәт һәм Гөлзифа абыстайҙан ҡалған аманат-доға ихлас итеп уҡығандарға ярҙам итә. Ошо доғаны бетеү итеп алып киткәндәр барыһы ла һуғыштан иҫән-һау йөрөп ҡайтҡан. Тел-тештән, бәлә-ҡазанан һаҡлай, тип ул әйтеп торҙо, мин яҙып алдым. Гөлзифа апайҙың аманатын үтәп, килгән һәр кемгә өләшәм. Һеҙ ҙә таратығыҙ", - тине ул.

Хәмиҙә инәй мөнәжәте
بسم الله الرحمن الرحيم
لَا إلَهَ إلأَّا الله - ЛӘ ИЛӘҺӘ ИЛЛӘЛЛАҺ
Лә иләһә илләллаһ - ғәмәлдәрҙең изгеһе,
Лә иләһә илләллаһ - мөьминдәрҙең көҙгөһө.

Лә иләһә илләллаһ - ғәрши көрси баҫҡысы,
Лә иләһә илләллаһ -һигеҙ ожмах асҡысы.

Лә иләһә илләллаһ - ҡарамағыҙ әҙенә,
Лә иләһә илләллаһ - мәңге бөтмәҫ хазина.

Лә иләһә илләллаһ - тауҙар-таштар ватыр ул,
Лә иләһә илләллаһ - ожмахтарҙы асыр ул.

Лә иләһә илләллаһ - кәлимәһе ҙурҙыр ул,
Лә иләһә илләллаһ - ҡәберҙәрҙә нурҙыр ул.

Лә иләһә илләллаһты әйтәйек, дуҫтар, һәр заман,
Лә иләһә илләллаһты әйтмәгән ҡолдар яман.

Лә иләһә илләллаһ - тамуҡ утын һүндерер,
Лә иләһә илләллаһ - яҡшы юлға күндерер.

Лә иләһә илләллаһ,тип,яҡтыра беҙҙең күңел,
Лә иләһә илләллаһ,тип,сығыр йәнебеҙ еңел.

Лә иләһә илләллаһны күп әйткән Рәсүлулла,
Лә иләһә илләллаһ Мөхәммәт Рәсүлулла.
لَا إلَهَ إ لَّا الله مُحَمَّدٌ رَسُو لُ الله
90-сы йылдар аҙағында Хәмиҙә инәй дәфтәр битенә ҡулдан яҙылған ошо доғаларҙы тотторҙо. “Гөлзифа абыстайҙан ҡалған аманат. Ошо доғаны бетеү итеп алып киткәндәр барыһы ла һуғыштан иҫән-һау йөрөп ҡайтҡан. Тел-тештән, бәлә-ҡазанан һаҡлай, тип ул әйтеп торҙо, мин яҙып алдым. Гөлзифа апайҙың аманатын үтәп, килгән һәр кемгә өләшәм. Һеҙ ҙә таратығыҙ”, – тине.
Бисмиллаһир- рахманир рахим
Бисмилләһи йә Аллаһу
Бисмилләһи йә Рахмәнү
Бисмилләһи йә Рахиму
Бисмилләһи йә Ғәлиму
Бисмилләһи йә Дааиму
Бисмилләһи йә Ҡааиму
Бисмилләһи йә Хәннану
Бисмилләһи йә Мәннәну
Бисмилләһи йә Ғүфрану
Бисмилләһи йә Сүбхану
Бисмилләһи йә Әхәду
Бисмилләһи йә Самаду
Бисмилләһи йә Әүәлу
Бисмилләһи йә Әхиру
Бисмилләһи йә Ҙаһиру
Бисмилләһи йә Батину
Бисмилләһи йә Ғәзизу
Бисмилләһи йә Һеүә
Бисмилләһи йә Мән Һеүә
Бисмилләһи ләм йәлидү үәлиду үәләм йәкүлләһү күфүән әхәду, Собхан аллаһу үәлһәмдулилләһу үәләә иләһә илла Аллаһу уаллаһу әкбәр лә хәүләүәлә ҡүүәтә иллә билләһи ғәлийил ғәзим. Амин.
Ҡуль әғүзү бираббил фәләк миң шәрри мә халәк үә миң шәрри ғасиҡыйн иҙә уәкаб, үә миң шәрри нәффәҫәти фил ғуҡад үә миң шәрри хәсидин иҙә хәсәд. Амин.
Ҡуль әғүзү бираббин нәс мәликин нәс, илаһин нәс. Мин шәррил үәсүәсил-ханнәс әлләҙи йүәсүису фи судурин-нәс минәл жиннәти үән-нәс. Амин.
Бисмилләһи әғүзү билләһи уә кудратиһи миң шәрри мә әжиду уә ухәзир. Амин.
Лә илләһә илла аллаһу йә хәйри халас, Мөхәммәде рәсулуллаһ йә Хызыр Ильяс. Амин.

КӨСЛӨ ДОҒА !

Мөжәүир хәҙрәттең доғаһы. Ярҙам итә ул, ярҙам итә, ышан һәм уҡы,уҡып тик йөрө. Теләгең ҡабул булһын өсөн доға.

«Аллаһүммә инни әсъәлүкә үә әтәүәжжәһү иләйкә бинәбиййикә Мүхәммәдин нәбиййир-рахмәти фи хәжәти һәҙиһи литүкҙа ли фәшәффиғһү фийә».

Йүнәлдем бит, йүнәлдем!

Ныҡ ябыҡ, һәр саҡ хәле булмаған апайҙың “тәнемдә теләһә ниндәй паразиттар күбәйгән тейҙер, ә дарыуҙары эффект бирмәй” тип уйламағанда зарланып китеүе ҡурҡыныс булып тойолғайны. Эйе, тәндәге теләһә ниндәй ҡорттар кешеләрҙе онкология сирҙәренә алып барып еткерә. Сөнки улар һалған йомортҡалар тәндәге төрлө органдарҙы серетә башлай һәм урынында шеш барлыҡҡа килә. Пандемия ваҡытында ул апай бөтөнләй күренмәне. Ошо көндәрҙә күрһәм – бөтөнләй икенсе кеше. Тулыланған, йәшәреп киткән, күҙҙәр яна. “Йүнәлдем бит мин, йүнәлдем! Халыҡ медицинаһы ысулын өйрәткәйнеләр. Ярты йыл тигәндә кеше булдым. Әле лә ваҡыты-ваҡыты менән профилактика өсөн эсәм”,-тине.

Шулай итеп, 50 г гөлбаҙран сәскәһен (пижма), 30 г әрем үләндәрен, 30 г ҡәнәфер бөртөктәрен термосҡа һалабыҙ. Уның өҫтөнә ҡайнап торған бер литр һыу ҡоябыҙ. 3-4 сәғәт тотабыҙ. Ошо төнәтмәне 2 аҙна иртәле-кисле 200 мл эсәбеҙ.

Һау-сәләмәт булығыҙ!

Бауырһаҡ. Эре генә, ауыҙҙа иреп торған был тәмлекәс күптәрҙең күңеленә хуш килер.

6 йомортҡаны яҡшылап күпертәбеҙ,100 мл һөт, ярты сәй ҡалағы ҡабартҡыс (разрыхлитель), бер аш ҡалағы шәкәр ҡомо (өйөп түгел) , бер семтем тоҙ, иләнгән он ҡушып ҡамыр баҫабыҙ. Ҡамыр йомшаҡ була. Йомшаҡ булһа ла, ҡулға йәбешмәҫлек булырға тейеш. Өҫтөн ҡаплап бер аҙ ял иттерәбеҙ. Ҡамыр ял иткәндә икенсе һауытҡа шыйыҡ май һалып ҡайнатып, һыуытып алабыҙ. Ҡамырҙы ваҡ киҫәктәргә бүлеп бауҙар (жгуттар) яһайбыҙ, 3-4 см оҙонлоҡта киҫеп сығабыҙ. Майҙа алһыу төҫкә ингәнсе болғата-болғата бешерәбеҙ. Бауырһаҡты һалып бешерә башлағанда май бик һалҡын да, бик ҡайнар ҙа булмаҫҡа тейеш. Бешеп барған береһен тишекле һауытҡа һалып, майынан һарҡытабыҙ. Һыуынғас шәкәр оно (пудра) һибеп табынға бирәбеҙ.

Бауырһаҡтарығыҙ күпереп уңһын, аяҡ-ҡулдарығыҙ һыҙлауһыҙ булһын!

БУҘА ҠОЙОУ РЕЦЕБЫ

3 литр һыуыҡ һыуға, 0,7 литрлык банка менан "Геркулес" ярмаһы һалып, 5-10 минут ултыртып бүрттерергә. Талгын утта 1 сәғәт ҡайнатырға, 1 ҡалаҡ аҡ май һалырга, бер туктыуһыҙ болғап торорға. Бер сәғәт үткәс, кисель һымак массаны иләк аша һөҙөргә, һәм һыуытырға ҡуйырға.
Һыуытылған массаға 1-2 стакан магазин ҡымыҙы, 1 стакан шәкәр өҫтәп бутарға, 1 тәүлеккә йылы урынға ултырытып ҡуйырға.
Теүәл бер тәүлектән, теленде йоторлоҡ башҡорт милли эсемлеге әҙер буласаҡ!

Был эсемлек организмдан 15 кг тиклем шлактарҙы сығара!!!

Иммунитетты нығытырға, ҡан әйләнешен яҡшыртырға, матдәләр алмашыныуына булышлыҡ итә.

Был эсемлекте әҙерләүе бик еңел
1.5 литр йылымса һыуға 1 аш ҡалағы куркума һалаһығыҙ, 70 грамм бал һәм 1 лимон (лимонды ҡабығы менән бергә ваҡ ҡырғыс аша ҡырып һалығыҙ).

Эсемлекте бер тәүлек төнәтәһегеҙ.
Һөҙәбеҙ.
Көнөнә 3 тапҡыр ашағанға тиклем ярты сәғәт алдан 100 миллилитр эсергә, 3 аҙна дауамында.

65 АЛТЫН КӘҢӘШ

1. Иртәнсәк уянғас та алдағы көндә буласаҡ мәшәҡәттәр тураһында уйлар алдынан яңы тыуған көндө ҡаршылау бәхете бүләк иткән Аллаһы Тәғәләгә рәхмәт әйт.
2. Иртә торорға ғәҙәтлән. Ял көндәрендә иң һуң торғанда ла 9 ҙан ҡалма.
3. Шишмә һыуын эс (көнөнә кәмендә 1,5 литр).
4. Иртәле-кисле һалҡынса һыу менән сайынып алыу файҙалы.
5. Алдағы көндә нимә кейереңде кистән әҙерлә.
6. Маҡсаттар ҡуй.
7. Был донъяның кеме генә юҡ. Һәр береһен тәрбиәләп маташма.
8. Көн дә 15 - 60 минут саф һауала йөрөп кил.
9. Ашағандан һуң һалҡын һыу эсмә.
10. Күңелеңә ятмаған кешеләрҙән йыраҡ бул.
11. Насар кешеләр араһына барып эләкһәң, улар кеүек булырға ярамай икәнен аңлау ҙа файҙаға.
12. Хыялдар кешене ҡанатлы итә.
13. Уңышлы кешеләр менән йыш аралаш.
14. Спорт менән шөғөлләнергә ваҡыт тап.
15. Һәр уңышың өсөн кешенән маҡтау көтмә - үҙ күңелеңде үҙең күреп өйрән. Мәҫәлән, атҡарып сыҡҡан берәй ауыр эштән һуң театрға барып ял итеп кил.
16. Белемеңде арттыр, яңы һөнәр йә файҙалы ғәҙәт үҙләштер.
17. Һәр эште күңел һалып башҡар.
18. Хәҙерге тормошоң һиңә оҡшамай икән, нимәнелер үҙгәрт.
19. Үҙ көсөңә ышан.
20. Тәрән итеп тын алыу йыш-йыш тын алыуға ҡарағанда күпкә файҙалы.
21. Яман менән яҡшыны айырырға өйрән: һине ысын күңелдән яратҡан кеше һине бер ҡасан да эскелеккә, яуызлыҡҡа этәрмәҫ.
22. Атаң менән әсәңде фәрештә тип һана.
23. Үҙеңдән ярлыраҡҡа ярҙам ҡулы һуҙ.
24. Ауыҙыңа нимә ингәнде һәм ауыҙыңдан нимә сыҡҡанды бел.
25. Ҡатын-ҡыҙ наҙлы булһа, ир-ат үҙен көслө зат итеп тойор.
26. Һүҙгә артыҡ һаран булма.
27. Тыныс кеше ышаныслы күренә.
28. Мыжыҡ булма. Алға киткән Японияла 5 йәшкә тиклем генә мыжыу рөхсәт ителә.
29. Дүрт һаның теүәл булып та эшең алға бармай икән, тимәк, һин - йә ялҡау, йә мыжыҡ, йә ҡурҡаҡ.
30. Тураһын ярып әйтеү - батырлыҡ түгел. Кешенең йөҙөн йыртмайынса әйтер һүҙеңде еткереү - тәрән аҡыл билдәһе.
31. Мөһим эштәреңде аҙаҡҡа ҡалдырма.
32. Ике эште бер юлы эшләп өйрән. Мәҫәлән, иҙән йыуғанда ятлай торған шиғырыңды ятла; йүгергәндә яратҡан йырыңды тыңлап, һүҙҙәрен хәтереңдә ҡалдыр; телевизор ҡарағанда бәйләм бәйлә йә сканворд сис.
33. Һәр ваҡыт аҡса ғына уйлап йөрөмә. Тормоштан ләззәт алыу өсөн байлыҡ та кәрәкмәй. Бәхет - һинең үҙеңдә.
34. Ҡаршылыҡтарҙан ҡурҡма.
35. Уңыштың 90 % ты - тырышлыҡ.
36. Һәр секундтың ҡәҙерен бел. Ваҡытты тоҡ-тоҡ аҡсалар менән дә кирегә бороп булмай.
37. Кешеләр менән йылмайып һаулыҡ һораш.
38. Тыштан ялтырап, эстән ҡалтырап торма. Матур кәүҙәң менән маҡтанғансы, изгелек ҡыл да - шатлан.
39. Туғандың урыны - түрҙә.
40. Дөрөҫ туҡлан. Итле, шәкәрле, тоҙло аҙыҡтарҙы самалап аша.
41. Көпә-көндөҙ бот күтәреп ял итеп ятыу - һау кеше өсөн килешмәгән ҡылыҡ.
42. Иренә тауыш күтәргән ҡатын бәхетле булмаҫ, ҡатынына ҡул күтәргән ир уңышлы булмаҫ.
43. Һәр береһенең артынан эйәреп китергә әҙер булма.
44. 60 ты үткән ата утын ярһа - улы яман, 60 ты үткән әсә иҙән йыуһа - ҡыҙы яман.
45. Ҡабаланған - ашҡа бешкән.
46. Бер ҡасан да үҙеңдең уңышһыҙлыҡтарыңда кешене ғәйепләмә. Үҙ өҫтөңдә эшлә.
47. Үткәндәрҙә аҙашып йөрөп бөгөнгө көндөң матурлығын күрмәй ҡалма.
48. Йоҡларға ятҡас - йоҡла, башыңды юҡ-бар борсолоуҙар, күңелһеҙ уйҙар менән ҡатырма.
49. Китап уҡы. Китап уҡымаған кеше тоҙһоҙ аш менән бер: нимәлер һөйләй, әммә хәбәренең "тәме" юҡ.
50. Һүҙҙең ҡәҙерен бел.
51. Ғаилә - бер-береңә үҫешергә ярҙам итеү. Береһе аҫҡа һөйрәп, икенсеһе өҫкә һөйрәүҙән файҙа юҡ.
52. Яңғыҙлыҡтан ҡурҡам тиеүселәр иһә яңғыҙлыҡтан түгел, үҙ-үҙе менән яңғыҙ ҡалыуҙан ҡурҡа.
53. Бер ҡасан да һуң түгел. Нисә йәштә булыуыңа ҡарамаҫтан, тормошоңдо яҡшыға үҙгәртергә ынтыл.
54. Хушбуй түгел, аш-һыу эҫе сығып торған өйҙөң ҡото бар.
55. Башыңа килгән һәр яҡшы уйҙы яҙып ҡуй.
56. Һүҙеңдә тор.
57. Ҡолағың ишеткәнгә лә, кеше ауыҙынан сыҡҡан һүҙгә лә ышанма. Үҙ күҙҙәрең менән күргәнгә генә ышан.
58. Кешенең кем икәнлеген белгең килһә, башҡалар тураһында нимә һәйләүенә иғтибар ит. Күңеле таҙа кеше башҡаларҙы яманламаҫ.
59. Донъяла ниҙәр барлығы менән ҡыҙыҡһын.
60. Кеше байлығына көнләшмә. Һәр кемдең үҙ сабатаһы.
61. Олоно оло тип бел, кесене кесе тип бел.
62. Үсегеү ғәҙәтен ташла.
63. Өйҙә - арыҫлан, тышта ҡуян булма.
64. Туғандарың тураһында үҙең дә яман һөйләмә, кешенән дә һөйләтмә.
65. Ғүмер мәңгелек түгел. Бөгөнгө эшеңде иртәнгегә ҡалдырма.

Тиҙҙән стол книжка розыгривать итам, кем участвовать ита + ҡуйығыҙ в комментариях и мина добавляйтесь, эшлагас видео сниму

ҮҘЕҢДЕ ӨШКӨРӨҮ ДОҒАҺЫ:

Бисмилләһи, Бисмилләһи. Бисмилләһи.
Әгүҙү би-гиззәти-Лляһи үә ҡудратиһи миң шәрри мә әджидү үә үхәҙир
(Ете мәртәбә уҡып , усҡа өрөп ,авырыу ереңде һыпырырға)