Статистика ВК сообщества "Театр им.К.Тинчурина |ОФИЦИАЛЬНАЯ ГРУППА"

КОТЛЫЙБЫЗ!!! Кәрим Тинчурин исемендәге Татар дәүләт драма һәм комедия театрының әйдәп баручы артисткасы Вәлиева Зөлфия Наил кызына, театр сәнгате өлкәсендәге казанышлары өчен, ТР Президенты Указы белән “Татарстан Республикасының халык артисты” исеме бирелде.

Дәүләт бүләген бүген Татарстан Республикасы Президенты Рөстәм Миңнеханов Яз һәм Хезмәт бәйрәме һәм Җиңү көне уңаеннан Казан Кремлендә узган тантанада тапшырды.

Хөрмәтле Зөлфия Наил кызы! Театр коллективы исеменнән Сезне әлеге дәрәҗәле исем алуыгыз белән чын күңелдән котлыйбыз! Сезгә саулык-сәламәтлек, озын гомер һәм киләчәктә дә зур уңышлар телибез!

Бүген Тинчурин театрының әйдәп баручы артисты, Татарстан Республикасының халык артисткасы Төхфәтуллина Резедә Ринат кызының туган көне. Ихластан гомер бәйрәмегез белән котлыйбыз! Нык сәламәтлек, күңел тынычлыгы, яңадан-яңа куанычлар, уңышлар, мул тормыш телибез.

[id97655385|Резеда Тухфатуллина]

Бүген, 17 июньдә, Татарстанның халык артисткасы Вәлиева Зөлфия Наил кызының туган көне. Сезне гомер бәйрәмегез белән чын күңелдән котлыйбыз! Исәнлек-саулык, бәхет, иҗади уңышлар, озак еллар дәвамында театр сөючеләрне куандырып яшәвегезне телибез!

[id212557049|Зульфия Валеева]

Карагыз әле, Латыйфа әнисенә охшаганмы? Артист булырмы икән?

Мәктәпләрдә Соңгы кыңгырау бәйрәмнәре гөрли.
Театрыбызның актрисасы, Татарстанның халык артисты Зөлфия Вәлиеваның кызы Латыйфа да 4 сыйныфны тәмамлады.

Котлыйбыз!

Бүген, 6 июльдә, Татарстанның атказанган артисткасы Хафизова Гөлчәчәк Әсхат кызының туган көне!

Хөрмәтле Гөлчәчәк Әсхат кызы, Сезне гомер бәйрәмегез белән чын күңелдән котлыйбыз!

Сезгә исәнлек-саулык, бәхет, иҗади уңышлар, озак еллар дәвамында театр сөючеләрне куандырып яшәвегезне телибез!

Татарстанның атказанган артисты Ренат Шәмсетдинов гөмбә сезонын ачкан. «Шәле урманы байлыклары!» – диде ул.

[id15722581|Ренат Шамсутдинов]

Тукайны онытмадык. Тинчуриннар Тукай һәйкәленә чәчәкләр салды.

Бүген 10.30 сәгатьтә Г. Тукай исемендәге Татар дәүләт филармониясе бинасы янәшәсендә күренекле җырчы Рәшит Ваһапов һәйкәлен тәкъдим итү тантанасы була. Анда Тинчурин театры артистлары Зөлфия Вәлиева, Ирек Хафизов, Артем Пискунов, Резеда Сәләхова шигырь сөйләячәк. Барыгызны да әлеге чарада көтеп калабыз!

Бүген, 8 нче августта, Кәрим Тинчурин исемендәге Татар дәүләт драма һәм комедия театры артисты Мөхәммәтҗанов Фәрһад Илшат улының туган көне!

Хөрмәтле Фәрһад Илшат улы, Сезне гомер бәйрәмегез белән чын күңелдән котлыйбыз!
Исәнлек-саулык, бәхет, иҗади уңышлар, озак еллар дәвамында театр сөючеләрне куандырып яшәвегезне телибез!

Кичә, 5 июньдә Пискунов Артем Олег улы туган көнен билгеләп узды. Артистыбызны ихластан котлыйбыз! Сезгә яңадан-яңа уңышлар, ныклы сәламәтлек, гаилә бәхете телибез!
Хөрмәтле тамашачылар, изге теләкләрегезне сез дә аңа биредә җиткерә аласыз.