У ім паўдзельнічалі таленавітыя беларускі: Аляксандра Вараб’ёва, Вольга Хіжынкова, Анжэліка Агурбаш, Аляксандра Раманоўская і Меліціна Станюта.
«Аднойчы я ехала па трасе і назірала білборды з сацыяльнай рэклямай, тэкстам «Мы любім Беларусь», дзіўнымі сэрцайкамі і дзеўчынамі ў нібыта нацыянальных касьцюмах. Вельмі непрывабны малюнак, які зусім аніразу не паказвае, што Беларусь клясная. І бо я вывучала гісторыю касьцюма, ведаю, што сапраўдныя беларускія касьцюмы сапраўды цікавыя і заслужаны ўвагі. У некаторых выява нацыянальнага беларускага касьцюма сфармавана на грунце таго, што яны ўбачылі на канцэртах ці вось такіх білбордах – сінія ўзоры, нейкія васількі – гэта выглядае ня вельмі цікава. Але калі капнуць глыбей, то апынецца, што беларускі касьцюм вельмі прыгожы, і няма там ніякага сіняга, а галоўным чынам – чырвоны, белы, зялёны, фіялетавы і нават жоўты. Мне захацелася паказаць гэта людзям у прывабным сьвятле, каб іх зацікавіць гэтай тэмай.
Усе касьцюмы аўтэнтычныя, знайсьці іх нам дапамагла арганізацыя, якая займаецца рэканструкцыяй касьцюмаў, падбіралі пад тыпаж дзеўчын. Калі ўважліва паглядзець на фатаграфіі, то вы заўважыце, што ў кожнай з іх ёсьць нейкі сымбалічны прадмет, злучаны з нашым гістарычным мінулым: папараць – жаночая мудрасьць, вышываньне – творчасьць, збан – доўгае жыцьцё і здароўе, певень – знак і адвага, яйка – пачатак новага жыцьця. Усе прадметы на фота, дарэчы, таксама аўтэнтычныя, я іх шукала па музэях у вёсках.
Гэтым праектам мы кажам, што Беларусь – гэта хораша. Беларусь – гэта пра маладосьць і старажытную мудрасць. Беларусь – гэта пра творчасць і сілу духу. Беларусь – гэта Мы», – кажа аўтарка праэкту.
: [club99656020|@tanya_kupko].
️🤍
