Статистика ВК сообщества "~ ツ Хөглүг аал ~"

Индий кино

Амгы шагда индий кино тоовастаан бис,
Амыр болгай интернетте шуптузу бар.
Шаанда болза ындыг кино келген дээрге,
Шагда клубта, сандайларда орар ийик.

Минут эртер, сайгылааны караш-ла дээр,
Митхун акым ыглап-сыктап көстүп келир.
Дыңнавааным элдеп дылда ырлап-шоорлап
Дыңгылдайлап, шала муңгак үнүп келир.

"Танцор диско" эге баштай көрген кином,
"Танцуй-танцуй" ооң соонда үнүп турган.
Чаагымдан караам чажын сыргап эккээр,
Чакраборти, чашкы үем маадыры-дыр.

Холдар-буттар сактырга-ла чүс чок ышкаш,
Ховар-чараш индус кыстар самнай бээрге,
Тенек чүрээң ала-чайгаар кыймыш кыннып
Деңге тепсеп, эстеп-хадып турган дег сен.

Бандиттер чок индий кино солун болбас,
Баштыңчызы, эң кол дайзын белен өлбес.
Эттээр-шанчар багай маадыр черле турар,
Эптиг кылдыр төндүрүп каар утка турар.

Шала соонда билип кээрге шак ол бандит
Шагда читкен кады төрээн акызы боор.
Карак чажын хензиг черден сыргап эккээр
Катап дагын көрүксээриң, индий кино.

Өңнүк-тала Митхун акым кажан-на бир,
Өңгүр чараш Бомбейдиве чалаза - деп,
Индий кино көргенде-ле күзеп чораан,
Идегелим, чашкы шаамда артып калган.

Ооржак. А

4 харлыг бичии оглу ачазынга баргаш мынча дээн:
- Ачай, мен кадайланырым ол дур!
Кончуг эки дир,ам кымны кадай кылдыр алыр сен, оглум? - деп ачазы айтырган.
- Кырган-авамны кадай кылдыр алырым ол. Ол меңээ дыка ынак,мен база дыка ынак мен. Меңээ чаагай чемнер кылып бээр, солун тоолдар база ыдып бээр! - деп оглу шыңгыы харыылаан.
- Дыка эргим дир,ынчалза даа бир таарышпас чүүл бар дыр!
- Чүү таарышпас-тыр, ачай?
- Ол дээрге мээң авам шей. Сен мээң авамны канчап кадайланыр кижи сен?
- Чүге болбас чүвел? Сен канчап мээң авамны кадайланып алган дыр сен, ачай - дээн дир.

Мээң оглум мындыг солун чугаа ундурген. Хой кадарып чордувуста "авай могелер кымдан девип ооренип алган?" Эзирлерден деп харыы бердим. Ам канчап хурежип ооренип алган дээрге харыы тыппадым. Авай кижилер тарбаганнардан ооренип алган чуве диин, олар ындыг ийик чоп, унгур аксынга хурежир диди, шынап ындыг чүве-дир, чаш кижи дыка эскерер, бо чурттаан нызынымда ону билбейн чаш оглумдан билип алган мен.

Бир катап үш эзирик кижиң такси долгап алган-дыр. Таксист келгеш көөрге оларың дендии эзирик болган. Боларны мегелептер-дир адырам деп бодал-биле кижиң машиназын ажылдаткаш катап өжүрүп алгаш, артында орган үш кижиге:
- Чаа чедип келдивис эрлер! - дээрге бирээзи аажок-ла четтиргенин илереткен. Ийи дугаары дүрген-не акшазын сунган-дыр. Үш дугаар кижиң таксистиң арнынче чык-дарс кылдыр бир шашкан. Таксист билип каапкан-дыр аа деп бодааш:
- Чоп шашкыланы бердиң яаа? - дээрге эзирик кижиң тургаш:
- Моон соңгаар мынчаар шакпа шаак! Бисти өлүрүп каг частың көрем! - деп-тир.

Шагда 2004 чылда школа дооскаш дужаар дээш сонгаар хоорайга келдим де. Общага туруп алгаш чаа найыралдашкан бир оол биле кады хондур компютерный залга эртенгинин 9 шака чедир ойнааш общага душте 11-12 шакта удуп чыдыпкан бис де. Эртенинде вступительный экзамен 9 шакта. Удааш отуп кээривиске дан аткан 8:30 хунзедир- хондур удупкан болган бис,чер чырыпкээн. Сири кавы кетингеш, остановка "кайы сен" дээш халчыптывыс де. Ам аштаанывыс база кончуг болган, орук ара снежок оон хот-дог садып чип база четигип чыдар бис де, озалдап тургаш-ла))). Экзамен дужаар корпуска 9:15 уезинде халчып кээривиске кижи даа чок, эжии шоочалыг. Бис даа экзамен эгелей бээрге шоочаланыпкан дыр дээш, мунгарап каан бис. Эжикти чаа соктап, сонга бакылап турувуста бир хамааты угбай унуп келген. "Извините, мы опоздали на экзамен впустите нас" деп дилеп киир чуктуп тур бис де. Оон ол угбай хорадап " ПАРНИ,КАКОЙ ЭКЗАМЕН В 9:00 ЧАСОВ ВЕЧЕРА, СОВСЕМ СУМА ПОСХОДИЛИ" деп дужурерге, анаа аастарывыс ажыдып алгаш тур бис. Оон билип каапкаш сээден улус ышкаш катыржып чорупкан бис. Шынында болза бис хунзедир удааш кэжээ отуп келген болган бис. Кежээлеп турда дан бажы деп салчап алган чаа чер чырып келген деп бодап алган халчып турган, ийи сургуул девидээн))). Эртенинде эртежик келгеш эки дужаап алган бис де)))Шын болган болуушкун.

Чаптанчыг чаштар . " Роддомга болган болуушкун"

Ачавыс чай чок болган, оолдарым передача киирип чедип келгеннер, прокладкалардан садып беринерем дээримге чиде бергеннер, элээн болганда роддом долдур:мама прокладкаларны саткаш киириптивис деп:амырап турарлары аттыг, киирип келзе-ле ежедневкалар, ам канчаар чаш чувелер ни дээш палата иштинде уруглар чаптап турарлары аажок, улуу 3 кл, бичиизи 1кл турган уелери оолдарымнын.

Мен база сактыышкындан бижиптейн. Шагда ашак-биле кады чурттап чоруур уевисте диин, ашаам черле бажынга олурбас кижи диин дунеге дээр тояп тояп келгеш душке чедир удуп чыдар шуут хораныг. Чогум эът чемин шуут успес кижи. Кежээ бажыным эжиин безин дээктевес мен чеже анаа торга ышкаш соктанырга эжик ажыдып маннаар дээш. Бир хун хорадааш эжиимни эртежик дээктеп алгаш киирбес дир мону деп бодап чыдырымда тоянчым бо-ла соктанып келди. Дыннап чыдыр-ла мен кижим аяар келгеш сонганы-даа дыннаар. Оон чыдып чыдып тура халааш иштики эжиим ажыдып алгаш алгы-кышкы-биле:- " Гостиница 9 шакка чедер бо хун, хонганы дээш ортээн безин толеп турар эвес сен"- деп дужурдум чугаалаар чуве тыпаан даа ышкаш мен аан. Оом база шору:-" Шалын унерге толээр ыйнаан мен, чээп чурттап болур бе?"-деп бо-ла ийин. Каткым кели бергеш ажыдыпкан мен. Оон бир хун кылаштап келгеш "Чээп чурттатканынар дээш четирдим орем толептейн."- деп шалынын алган акшазын сунуп тур-ла анаа ыытавайн ап-даа албас мен "Келир айдан эгелеп ортээ озер"- дээримге, " Ижер-чиирин экеп труда-ла бо гостиница ээзи кадайнын чиижени дам бар чыдар, ындыг эвес-дир бе оглум?"- деп унуп чыдар-ла болгай. Чогум солун уелер база турган.

Кезек баш аараан эрлер бир шил чогаадып алгаш арыг иштинге ижиптер дээш кирип келгеннер.
Бирээзи араганы улгады бергенинге куткаш: ,,Чечен-мерген кижи чаа тостдан чогаадып корем" - дээрге, оозу долгандыр корупкеш дораан чогаадыпкан: ,,Кызыл-даван бора-хокпеш,
Кырывыстан ужуп эрткеш,
Кырган дытка хонуп алгаш
Кыжыраан дег эде берди:
,,Чик чирик, чик чирик, ам база эзирик" - дээш дашказын апкан-дыр. Шупту коорге шынап-ла дытта бора-хокпеш эдип орган.

Мындыг чугаа дыңнаан мен, үргүлчү-ле четтинчип алган чоруур ашак-кадай улусту бир кижи сонуургааш айтырган: Силер ийи үргүлчү катай четтинчип алган чоруур, дыка найыралдыг, бот-боттарыңарга дыка ынак хевирлиг силер аа - деп айтырарга -
Бо кадайны бошка салыр-ла болза садыг кирер, акша төтчеглээринге туралыг. Ынчангаш холун салбас, үргүлчү тудуп алган чоруур кижи мен - деп, ашаа харыы берген-дир

ХООЛГАЛАДЫМ БӨЛҮҮМ.

Дүнекиниң 03.00 шак. Соктай-оол биле Клара аажок удаан. Хенертен киңгиредир эжик соктаан. Соктай-оол сири-кавы туруп келгеш аажок хорадап:
- Кымыл ёвана?! - деп хыйланган.
Эжик аскында шала эзирик үн:
- Яя напар! Каям мени бичии идивидем. Буян боор ыйнаан - деп-тир:
Соктай-оол хорадап:
- Сээдеңнеп калдың бе шаак? Дүнекиниң үш шак чүве-дир. Өске улустан тып ал. Бис удуп чыдыр бис! - дээш хыйланмышаан орунунга чыдып алган-дыр.
Клара тургаш:
- Кым-дыр? Чүү деп тур? - деп айтырган.
- Та ядарадыр! Мени идивидем деп танывазым бир кижи-ле-дир. Ойладып чоргузуптум - деп-тир.
Клара хая көрнүп келгеш:
- Че сээдеңиңни! Таанда, бир кижи дуза дилеп кээрге чаңгыс катап дузалапас-даа сен. Эрткен чылын Кызыл баар чыдырывыста машинавыс туруптарга, улус итчип бээр чорду чоп! - дээш хыйланган-дыр.
- Че ёптамать! - дээш Соктай-оол идик-хевин кеде-ле берген. Бажыңындан үнүп келгеш чүү-даа көзүлбес караңгы дүмбейже:
- Эй аа! Кайда тур сен?! - деп кыйгырган-дыр.
Караңгыдан бир үн:
- Бо мында-мында мен яя - деп-тир.
Соктай-оол тургаш:
- Кайда??? - деп кулак салып дыңнаалаан.
Караңгыдан үн:
- Мында-мында. Чайганыышта олур мен. Идивидем - деп-тир.