Статистика ВК сообщества "Тудуг садыы PRORABOFF Строительство|Офис продаж"

Ыракта аккыр харлыг даглар кырындан көөрге, чаңгыс улуг кара булут ак-көк дээрни бүргей алган чүве дег, тындынмас кара хөөлүг хоорай. Дошкун кыштың чыккылама сооктарындан камгаланып, бажыңнарын чылыдыр одаар дээш, хоралыг, чүдек ыштыг үстүг хөмүр одап турарлары ол...
Бо оранга кыш черле кадыг, кедергей соок кылдыр эртер. Будукка орган бора-хөкпеш безин доңгаш, черже төк кылдыр дүшкүлээр чүве.

Кыштың чывар сооктуг хүннериниң бирээзинде хоорайның төвү кезээ черге болганчок-ла чудун көргүзер эзириктер база-ла кускуннап, үй-балай алгыржып, майт-шорт дүжүп, хойлап алган арагазын былаажып кирипкен. "Чаңгыс катап пактаптайн" деп, кургаг элезинниг ховуда суксааш өлүр чеде берген чүве-биле дөмей, дискектериниң караанга турупкан чашпып-тейлеп турары-даа; "Төндүр ижиптиң сен! Арттыр, меңээ арттыр!" деп, өртек-үнези чок эртинезин харамнангансыг чулчураары-даа бар. Удатпаанда алдыны дээш бөкперлежип дайылдашкан эзириктерниң чанынга шагдаа хептиг кижилер көзүлген соонда, дазайыры дазаңайнып, майтайыры майтаңайнып, тендириири тендиңейнип тарай дезип эгелээннер. Ынчалза-даа оларның карактарының октары арага хойлаан амытанда.

Шагдаалар дескен эзириктерниң аразындан ийи кижи тудуп алгаш, чычаанынче киир сөөртүй бергеннер. Бирээзи:
- Каям, салывыдам, аал! Салывыдам! - девишаан, аткаар тырттылып, доң доштуг черге чыда дүжер чазып, бар күжү-биле дедирленген.
- Кир, шаак! Холуң оора долгаптар мен! - деп, шагдаа ону коргуткаш, немээн: - бомжулар чогум чедип-тур ийин силер аа!

"Арат-оол дээр мени, аал! Бомжу эвес кижи-дир мен, бичии ижипкен, байдал баскыраан!" деп, Арат хоорайга хүннү бадыр тояап, араганы соксаал чокка ижип, улус-чон мурнунга чудун көргүзүп чоруурун билинмейн мегелеттинип алгырган.

Шагдааларның бирээзи, эзириктер кире бээри билек, чычаанының эжиин дыңзыдыр хаапкаш дээктей долгаан.

Арат дам-на караңгы чычаан иштинге карактарын караңгыладыр шийипкеш, эглип келбес эрткен-барган амыдырал-чуртталгазын сактый берген...

- Ар-а-а-а-т! Путин Президентивис Чаа чыл таварыштыр байыр чедирер деп тур, эжим! Дүрген шампанскоең ажыдарынга белетке! Дүрге-е-е-н, эжим!

- Иштиг-сааттыг кижи дыка девидеве даан, ынаам! Чиигээр үең база келген болгай. Ажырбас, четтигиптер мен. Че, Путин дарганың чараш сөстерин дыңнапкаш, сарбашкын чылы, 2004 чыл, кайда сен дээш хап орар бис бе!

Уланчылыг.

Эки хуннун амыр-мендизи-биле! Чаа чогаалдар, тондур бижиттинмээн чогаалывыстын уламчызын манап турар кижи бар бе?

Опрос!!!
Экии, номчукчум. Ур уеде чиде бергеш, силерни-даа, чогаалдарымны-даа сакты бердим. Силер база чоктап турган боор силер он))

Айтырыым болза, 100 акшага толеп кирип алгаш, олчаан артып каар болук тургузар болзувусса, кандыг-дыр? Эгелер база узук чок унер.
Чаа чогаадып бижип турар "Моге" деп чогаалымдан эгелээр бис.

Ии, 5 мун ажыг предложенный новость, 1900 хире чагаа келген-дир. Черле улаштырайн.