Статистика ВК сообщества "Газета "Чолман" (СМИ)"

Йӱрат ончен шортеш

Мишкан район Кульчубай ялын салтакше Марсель БАЙРАМОВЫН Украинысе сӧй пасушто ӱмыржӧ лугыч лийме нерген увер тылзе тӱҥалтышыште толын ыле. Таче рвезын капшым ялышкыже конден, пытартыш корныш ужатышт. Айдеме чон дене пырля пӱртӱсат шортеш... Молан дыр илыш тыгай торжа... Тыгай самырык рвезе-влаклан илаш да илаш ыле эше... Шочшыжо да родо-тукымжо дене пырля ойганена, нунылан чаманымашым каласена.
Людмила БАЙРАМОВА

#Чолман#кеҥежӱдыр#моторлык#конкурс
КЕҤЕЖ ГАЙ МОТОР

«Кеҥеж! Ах, кеҥеж! Тудын гай мотор лийнем!»
Элави Токтарова. Шернур поселко, Марий Эл.

Узьмакыште омет ласка лийже, салтак!

Теҥгече Украинысе спецоперацийыште ӱмыржӧ кӱрылтшӧ Денис Яметов дене шочмо Тынбай ялыштыже чеверласеныт. Тыште тудо школыш куржталын, чолга да тыматле койышым ончыктен кушкын, тышеч армийыш ужатеныт. А ынде – пытартыш корныш… Уло родо-шочшыжлан кугу чаманымашым каласена. Тудым курымеш шарнаш тӱҥалына.

Л.БАЙРАМОВА. Мишкан район.

Тӱрлызӧ
#Чолман#марий#мастар_влак

Олеся Тимиркаева Мишкан район Тӧргымдӱр ялеш шочын-кушкын. Школышто 9 классым тунем пытарымек, Благовещенск оласе педколледжыште шинчымашым нӧлтен. Аваже, Нина Алексеевна, тӱҥалтыш класслаште йоча-влакым туныктен.
Яра жапыште кидпашам ыштен: пидын, шукыж годым тӱрлен. «Мылам изинекак пеш оҥай чучын, кузе тыге тӱрлӧ шӱртӧ дене моткоч шыман да моторын тӱрлаш лиеш? Эре авамын воктенже шинченам да шке семынем тунемаш тыршенам. Икымше пашамым кызытат шарнем - тиде ал тӱсан ончылшовыч лийын. Мый тунам 7 классыште тунемынам. А вара умбакыжат тӱрленам да тӱрленам», - каласкала Олеся Владимировна, шочмо ялысе школыштыжо технологий урокым туныктышо.
А яра жапыштыже тугак тӱрым тӱрлаш йӧрата. «Кызытсе йоча-влак кидпаша дене шуэн шинчылтыт, компьютер, телефон, планшет нунылан утларак келшат. Но тӱрлӧ йӧным муын, изинекак йоча-влакым кидпашалан шӱмаҥдаш тыршена, шке йырышт моторлыкым ужын, тек ӱмырешлан кидпаша мастарлык дене таҥлалтыт», - ӱшанен ойла Олеся Владимировна.

Л.БАЙРАМОВА. Мишкан район.

#Чолман#кеҥежӱдыр#моторлык#конкурс
КЕҤЕЖ ГАЙ МОТОР

«Кеҥеж! Ах, кеҥеж! Тудын гай мотор лийнем!»
Роксана МИХАЙЛОВА. Монар, Мишкан район.

#Чолман#кеҥежӱдыр#моторлык#конкурс
КЕҤЕЖ ГАЙ МОТОР

«Кеҥеж! Ах, кеҥеж! Тудын гай мотор лийнем!»
Светлана Антонова. Шернур посёлко, Марий Эл.

#Чолман#кеҥежӱдыр#моторлык#конкурс
КЕҤЕЖ ГАЙ МОТОР

«Кеҥеж! Ах, кеҥеж! Тудын гай мотор лийнем!»
Ирина Шангареева. Красный Октябрь ял, Илиш район.

#Чолман#кеҥежӱдыр#моторлык#конкурс
КЕҤЕЖ ГАЙ МОТОР

«Кеҥеж! Ах, кеҥеж! Тудын гай мотор лийнем!»
Эрика АЛЕКСАНДРОВА. Арлан, Краснокам район.

#Чолман#кеҥежӱдыр#моторлык#конкурс
КЕҤЕЖ ГАЙ МОТОР

«Кеҥеж! Ах, кеҥеж! Тудын гай мотор лийнем!»
Юлиана АХМАДИЕВА.
Павасола, Калтаса район.

АВА ЭН ШЕРГЕ МЫЛАННА
Конкурс

Мыйын авам, Галина АБДУЛИНА, Мишкан районысо ямле Измар ялеш шочын-кушкын. Тынбай ялыш марлан толын, ешым чумырен. Ме ешыштына кум йоча улына, эше ик эрге йочам 5 классыште тунеммыж годым авам ончаш налын. Яна акам 11 классыште, мый, Даяна, 9 классыште, Денис шольым 7 классыште тунемына. Изана пашам ышта. Авана ныл ият пеле кок пашам ыштен: ялысе почтым вуйлатен да сельсоветыште специалист улеш. Авам эн мотор, тудо ныжыл да пашаче кидше дене суртышто мом гына огеш ыште. Чыла вере шуэш да эше тудо вич ӱдырлан пуртымо ава, 9 уныкалан ковай улеш. Аваем, шушаш пайрем дене! Ме тыйым пеш чот йӧратена! Эн шерге тый улат!!!